erantzun iruzkin honi

AHTaren Lapurdiko proiektuaren azterketa baztertzeko eskatu du Michelle Alliot Mariek

Berria.info

Frantziako Barne ministroak eta Bussereau Garraio estatu idazkariak gutuna bidali diete Pirinio Atlantikoetako eta Akitaniako prefetei. Lapurdiko gaurko trenbideak saturatu arte ez dute egitasmo berririk nahi.

Michelle Alliot Marie (UMP) Frantziako Gobernuko Barne ministro eta Donibane Lohizuneko (Lapurdi) auzapez ohiak eta Dominique Bussereau Frantziako Garraio estatu idazkariak Lapurdin AHTa egiteko proiektuaren azterketak bertan behera uzteko eskatu dute, gaur Le Journal du Pays Basque egunkariak argitaratu duenez. Hori "aginduz" gutuna bidali diete Pirinio Atlantikoetako eta Akitaniako prefetei biek, izenpetuta.

Jean Louis Carrere Akitaniako Kontseiluko lehendakariorde eta Garraio arduradunak adierazi du Alliot Marie eta Bussereau Lapurdiko gaurko trenbideak "saturatu" arte tren garraio berriez ikerketarik ez egitearen aldekoak direla, eta hori hamar bat urtera eginen litzatekeela bion iritziz.

Alain Iriart Hiriburuko (Lapurdi) auzapez eta Paueko (Frantzia) kontseilari nagusiak gaur esan du "Europako Legebiltzarrerako bozen bezperan eginen diren iragarpenak tentuz" hartu behar direla, baina "proiektua baztertzea berri ona" dela dio. "Herri mugimenduak eta hautetsiek euren eremuan aldaketak lortzeko gaitasuna dutela frogatzen du".

Abiadura handiko trenaren egitasmoaren aurkako kide batek BERRIA.INFOri azaldu dio gutun hori badela, baina proiektuak oraindik ere aurrera jarrai dezakeela. "Ezin gara fio. Guk horren aurka egiten segituko dugu". Lehen ere egin izan du Alliot Mariek antzeko eskaerarik.

AHT Gelditu! Elkarlanak emandako datuen arabera, tren azkarraren proiektuak Euskal Herri osoan 10.000 milioi euroko aurrekontua dauka. Horietatik 900-1.150 milioi Lapurdiko tartea egiteko dira. Araban, Bizkaian eta Gipuzkoan lanak hasita dituzte, eta Nafarroan aurki ekingo diete. Lapurdiko ibilbidea 42 kilometrokoa litzateke -%85, estali gabekoa-. Lau tunel egingo lirateke; besteak beste, bat Larrun parean.

Etiketa(k):

Erantzun

The content of this field is kept private and will not be shown publicly.
  • Baimendutako HTML markak: <p> <sup> <blockquote> <img> <h1> <h2> <h3> <a> <em> <strong> <cite> <code> <ul> <ol> <li> <dl> <dt> <dd> <br /> <object> <param> <embed> <i> <span>
  • Lineak eta paragrafoak automatikoki egiten dira.

Formatu aukerei buruz informazio gehiago

CAPTCHA
Galdera hau pertsona bat zarela egiaztatzeko da, eta automatikoki sartzen duten Spam-a gelditzeko
   _____         ____     __   _    
/ ____| |___ \ / _| | |
| (___ ___ __) | | |_ | | __
\___ \ / __| |__ < | _| | |/ /
____) | \__ \ ___) | | | | <
|_____/ |___/ |____/ |_| |_|\_\

Enter the code depicted in ASCII art style.