AHTren Kontrako Asanbladako hiru lagun atxilotu ditu Ertzaintzak, Lurraneken egindako ekintza batean. Lurrak kudeatzen dituen erakundea da Lurranek, eta Jaurlaritzaren menpe dago. Bulegoa «desjabetu» dute. Kanpora irten eta lurrean 'Y' letra marrazten ari zirela, Ertzaintza agertu eta banan-banan identifikatu ditu.

Berria. Gasteiz.

Bitartean, AHTren kontrako oihuak, kantak eta dantzak nagusitu dira. Bat-batean, «inolako azalpenik eman gabe» ertzainek taldeko bitartekaria atxilotu dutela azaldu dute Asanbladakoek. Ondoren, Ertzaintza jendeari oldartu eta beste bi eraman dituzte, hirurei eskuburdinak ipini dizkiete eta autoen kontra bortizki bultzatu dituzte.