Abiadura Handiko Trenik, guk ez dugu nahi inondik

Urteetan zehar hainbat abesti ezagun moldatu ditugu AHTaren aurkako letrekin. Astiro astiro abesti guztiak hemen jartzeko asmoa daukagu.

Abesti honek hainbat argumento ikutzen ditu, aspalditik abestu ohi dugu toki guztietan.
La destrucción por aquí... y el negocio por allá
el Tren de Alta Velocidad... no lo queremos por ningún lado

(Estribilloa estrofa bakoitzaren ondoren errepikatu)

Doinua: Egun da Santimamiñe

Txikizioa hemendik.... ta negozioa handik
Abiadura Handiko Trenik... guk ez dugu nahi inondik

Hau egiteko asmoak
dakarren sekretismoa
Abiadura Handiko Trena
zerbait txarraren susmoa

Hiri batera bestetik
pasa nahi dute kolpetik
Abiadura Handiko Trena
herri txikien gainetik

Amalurra dago marmar
Udalaitz, Ernio, Aralar
Abiadura Handiko Trenak
hauen hondamena dakar

Kutsadura kimikoa
elektromagnetikoa
Abiadura Handiko Trena
baita ere atomikoa

Lurra txikituz jo ta ke
bide hortatik noiz arte?
Abiadura Handiko Trena
ekosistementzat kalte

Nekazariari kezka
sortuko zaio gainezka
Abiadura Handiko Trena
baserritarrentzat ez da

Hau da denontzat egurra
Kapitalismo maltzurra
Abiadura Handiko Trena
desarrollismo muturra

Elkar zaitezte gurekin
eta borrokari ekin
Abiadura Handiko Trena
inoiz ez dezaten egin