..:: Zentral termikoak / Centrales térmicas
:..
Asken boladan zentral termiko ugari eraikitzen ari dira...
- Boroa, Zornotzan,
- Santurtziko superportuan Bahia Bizkaia Electicidad, BBG
birgasifikadorearen ondoan,
- Zabalgarbi, Bilboko Errauskailua, zabor baino gas gehiago
erreko duena,
- Santurtziko termikaren 3. labea,
- Petronor-ek egin nahi duen IGCC, petrolioaren sobra
zinkinenak erretzeko,
Espainian 30 inguru
..:: Kogenerazioa ::..
Kogenerazioa elektrizitatea sortzerakoan soberan dagoen beroa aprobetxatzea da, edo
alderantziz, fabrika batzuk soberan daukaten bapore beroa elektrizitatea sortzeko
erabiltzea. Teknikoki efizientea eta ekonomikoki errentagarria denez asko hedatu da
asken urteotan (Txagorritxu, Petronor,...).
Zentral termiko txikiak direla esan daiteke, gasa edo fuela erretzen dute.
Efizientziari esker energia berria eskuratu den arren ez du balio izan beste
zentral termikoen eraikuntza ekiditzeko. Alderantziz, elektrizitate kontsumoak
gora ta gora oztopo gabe egitera lagundu izan du. Gauza bera gertatzen da
Zentral eolikoekin, ez dute beste zentralak ordezkatzen, gehitu egiten dira.
Zera esan zuen behin Jose Antonio Garrido-k, Iberdrolako goi kargua,
ERTko
partaide eta Gamesa-ko lehendakari zenean "¿Qué opina de las energías
alternativas?" galdetu ziotenean: "Las energías no son alternativas, son
aditivas". [Deia, azken orria, 1998-xx-xx]. Hau da, Iberdrolak Gamesa-ren bidez zentral eolikoak
jartzearen helburua ez dela beste zentral kaltegarriagoak ordezkatzea, bide
guztietatik atera (eta saldu) dezaken guztia atera nahi duela.
Elektrizitate guzti hori kontsumitzeko balio du
Abiadura Handiko Trenak. Hau da:
- interpretazio "ingenuo"-an elektrizitate ugari dagoenez eskuragai, merke,
edota gehiago sortzea erreza suertatzen delako (kalteak eskutatu eta
"sozializatu" egiten direlako) AHT bezalako erabilpen
elektraindar-xurgatzaileak bideragarriak dira. Aluminio industria, ACB, ...
- interpretazio zorrotzagoan Iberdrola eta pareko enpresek dira
elektrizitatea xahutzen duten proiektuen bultzatzaile nagusiak (gogoratu
AVE-Siemens-PSOE kasua) korporazio indartsu
izateak ematen duen boterearen bidez eta ERT bezalako lobbien bidez. Baita
pertsona bakoitzaren portaera aldatzera bultzatzen dute publizitatearen bidez.
Telebista anuntzioak ikustea nahiko da beraien helburua energia ardura gabe
gastatu daigun dela jakiteko. Benetan hobeto biziko garen (aldarrikatzen duten
bezala) edo txarrago biziko garen garrantzi gabekoa dela beraientzat.
|
