[Itzuli/volver]

Estatu Espainiaren presidentzia Europan

Datozen egunetan eta hilabetetan espainiar estatuko herri mugimendu gehienek ehundaka deialdi helarazi diote jende orori datozen eraso neoliberalei behar bezalako erantzuna emateko. Martxoaren 10an Plan Hidrologiko delakoaren aurka eta uraren inguruan beste kultura baten aldeko manifestazioa eginen da Barnan. Zenbait iturrien arabera 300.000 lagun inguruk hartuko du parte ekitaldi honetan. Ekitaldi honek girotu eta berotuko du datorren asterako programa zalantzarik gabe.

Martxoaren 15ean eta 16an Europar Batasuneko presidenteek, gobernuko presidenteek, ekonomia ministroek, kanpoko harremanetarako ministroek eta Espainiako errege-erreginak eta beraien seme heldua, Felipek, Bartzelonan burutuko dute berebiziko gailurra. Gailur honetan oraindik publikoak diren arlo batzuk pribatizatzeari ekingo diote, eta neurri neoliberal gehiago ezarriko dute. Jakina denez, enpleguaren malgutasuna eta prekarietatea areagotuko dira besteak beaste. Horretaz gain, neurri errepresibo zorrotzagoak adostuko dira gailur honetan Hau guztia salatzeko eta beste gizarte eredu berri eta justuago baten alde urrats berri batzuk emateko ondoko ekitaldietarako deialdiak helarazi diote gizarte zibilari mota guztietako herri mugimenduek:

Foro alternatibo bat burutuko da diruaren Europaren aurka. Osteguna 14an sindikatuek hartuko dituzte kaleak. Ostirala 15ean ekintza deszentralizatu aunitz egingo dira hala nola txirrindula martxa , inperio globalaren aurkako zirko, transgenikoen aurkako panfletoen banaketa, "sardinada" herrikoia, mural zapatista baten margoketa, kanpo zorraren aurkako sinadura bilketa... eta abar luze bat. Martxoaren 16an herri mugimenduen manifestazio erraldoiak entzunaraziko du Europar Konseiluan ordezkatuak ez daudenen ahotsa. Larunbata gauean Manu Chaok kontzertu bat eskainiko du.

Eta protestek aurrera darraite. Europako "energia" ministroak Iruñean bilduko dira Apirilian, "Foro Mundial Trasatlántico" delakoak Madrilen burutuko du bere gailurra Maiatzean, eta Espainaren presidentzia bukatutzat emateko azken gailurra Sevillan burutuko da Ekainean.

[Itzuli/volver]