ASTELEHENERO (21:00tan) ETA MARTITZENERO (10:00tan):
Indarkeria matxistaren aurkako nazioarteko egunaren harira, Garrasikan Bilgune Feministako kide bat izan dugu gurekin. EMAGIN-ekin batera kaleratu berri duten "Beldurrak gurekin jai!, ekin autodefentsa feministari!" liburuaren inguruan mintzatzen. Besteak beste, liburuan Autodefentsa Feministaren zergaitiak, autoestima eta emozioen kudeaketa, beldurrari aurre egiteko dinamikak eta erasoen aurreko erantzunek kabida daukate. Arlo teorikoaz gain, liburuak praktikotasunera jotzen du eta aholkuz, dinamikaz eta ariketaz beteta dago.
Eguneko elkarrizketaz gain, Irola Irratiko albistegia den honetan Euskal Herrian zehar eman diren gertaera interesgarriak zuengana hurbiltzen saiatu gara, hala nola "Izan zaitez tanta" kanpaina, Idoya Iragorriren agerpen publikoa, Ateak Irekiren itxiera salatzeko debekuen gainetik egindako elkarretaratzea eta askoz kontu gehiago Garrasikan!
Ez ezazue galdu!