Urtarrilaren azken asteko Garrasika honetan, Bilboko 7 Katu Gaztetxearen 7.urteurrena ospatu dugu asanbladako kide batekin. Gaztetxearen egoerari buruz hitz egin digu (desalojo arriskua) eta baita antolatu duten aste osoko egitarau oparoari buruz.
Gainera, Auzotarrok-eko kide bat ere gonbidatu gisa izan dugu gure kontrainformazio saioan eta haien proiektuaren nondik norakoak komentatzeaz gain, Otsailaren 8 eta 9an Bilbon antolatuko duten jai herrikoien aldeko jardunaldien inguruan aritu gara. Hauek ere egitarau polita eta potentea prestatu dute eta bertaratzera animatzen zaituztegu.
Bi elkarrizketa hauek utzi diguten denbora eskasean, asteko albiste batzuk hurbildu dizkizuegu eta agenda puntuak arineketan eman ditugu, baina aurretik ditugun egunak ekintza interesgarriz betetzeko moduko eskaintza daukagula ikusi dugu.
Ez hutsik egin aste honetan eta entzun Garrasika!