Ongi etorria //////>
Abiadura
Handiko Trenaren proiektua eta berari loturiko garapen ereduaren aurka
Euskal Herrian lanean dabilen taldea gara. Naturaren suntsipena, garraioaren
hazkunde geldiezina, ezberdintasun eta aberastasun kontzentrazioa suposatzen
duen ereduaren aurka. Garapenkeri hori beste sektore batzutan ere denuntziatzen
dugu, transnazionalek monopolizatu eta xahuketa bultzatzen duten sektore
energetikoan adibidez.
AHTaren
(Abiadura Handiko Trenaren) Aurkako Asanblada 1993an jaio zen Euskal
Herrian AHTaren aurkako talde mugimendu asanblearioa sortzeko asmotan.
Euskal Herrian 443 km-ko "H" formako AHT sarea egiteko asmoa dago, Dax-Bilbo-Gasteiz-Iruņa-Zaragoza
ertzetan eta Gipuzkoa erdian egonik. Europar Batasunaren menpe sortu
den proiektu erraldoi honek dakartzan kalte ekologiko eta sozialak itzelak
dira.
Orain
arte egin ditugun ekintzekin (kaltetutako inguruetatik mendi martxak,
aldizkariak, Erokeria boletina, manifestua, bideo, hitzaldi eta eztabaidak,
salaketak, topaketak, urteroko akanpada, manifestazioak, ea.) informazioa
zabaldu eta eztabaida zabala bultzatzen saiatu gara, AHTak garapenkeriaren
ezartzea suposatzen duenari buruz. AHTa Europan ezartzen ari den garapen
ereduaren adierazgarri ikaragarria da, ERT (European Round Table of
Industrialist/Europako Industrialen Mahai Borobila) bezalako lobby-ak
bultzatzen duten Merkatu Bateratua eta Sare Transeuropearren garapen
eredua. AHTa bezalako Sare Transeuropearrak ez dira ta jende arruntarentzat,
kapitala errazago mugitu eta sar dadin baizik.
Hitz
gutxitan esanda, AHTa eta azpiegitura erraldoiekin (autobide, superportu,
aireportu, eta abarrekin) Euskal Herria europako merkatuaren integrazioarako
pasabide izatea nahi dute. Honek, beste kalteen artean, garraio beharren
hazkundea dakar, Donostia-Baiona ingurua merkantziendako plataforma
intermodala bihurtzea Eurohiriaren proiektua barruan eta bestalde Bilbao
Metropolitarra nazioarteko kapitalismoaren kokagune, gizarte eraginak,
ekologiko eta kultura arlokoak kontutan eduki gabe.
AHT
Gelditu! Elkarlana-ren partaide gara, hainbat giza eta herritar talde,
talde politiko, sindikatu, ekologista eta abarrekin. Elkarlanak hiru
manifestazio antolatu ditu, Donostian, Arrasaten eta Hernani-Astigarraga,
bai eta maila lokaleko ekintza ezberdinak. AHTaren Aurkako Asanbladak,
gure aldetik, proiektu honen eraikuntzaren aurka eta beste proiektu
txikitzaileen aurkako ekintza anitzak egiten jarraitzen dugu: zentral
termikoak, Bilbo eta Pasaiako superportuak, zentrale eolikoak, Baiona-San
Sebastian eurohiria, Eibar-Gasteiz autobidea, Itoizko urtegia,...
TXIKIZIOA GELDITU!
ABIADURA HANDIKO TRENIK EZ!
GIZARTE ALDAKETA BULTZA DEZAGUN!
