Benvides a LaFurgo!

Concibido como unha rede de comúns dixitais, onde toda a comunidade goza de darlle vida á vez que o coida. A pesar de que cada nodo funciona como decide, en xeral confíase en que os membros de cada nodo faranse responsables da súa actividade. É dicir, de manter un clima respectuoso entre iguais, evitar o malgasto de recursos ou de informes de contas ou nodos hostís

Está formado por unha rede descentralizada onde prevalece a federación voluntaria de cada un dos nodos que compoñen a súa infraestrutura. Cada nodo é libre de decidir como organizarse, como sufragar os seus gastos e cales son o seu límites en cando a dimensión temática e relacións con outros nodos.

Un exemplo máis dun esforzo compartido por miles e miles de persoas para construír ferramentas útiles e que se entendan. O desenvolvemento discútese en aberto e a presión para que as decisións sexan xustas é intensa. O código de cada aplicación fediversal é libre, uns teñen licenzas máis permisivas con derivados comerciais (MIT), e outros están blindados (AGPL).

Moito do contido publicado no fediverso é público e, por tanto, como todo na internet, susceptible de ser recollido e acumulado ilexítimamente. Polo demais, tanto o software como les admins dos nodos comprométense a manter privado aquilo que se supón que é privado.

Feito para ser útil e divertido, sen obxectivos ocultos. Iso fai que non haxa funcionalidades trampa nin contidos patrocinados. Dáse moita importancia á experiencia das persoas cegas ou con baixa visión, e iso fai a rede máis acolledora para todo o mundo. A forma de ordenar os contidos é transparente, e o único algoritmo de recomendación son os propios impulsos dos teus contactos.