ForUNED é un potente foro web baseado en Squishdot e está aloxado en SinDominio. Squishdot pretende parecerse a slashcode, creado orixinalmente por e para slashdot e usado tanto neste sitio coma noutros como barrapunto. Pero Squishdot funciona sobre un servidor chamado Zope e implementado en Python, é máis sinxelo de administrar e carga menos ao servidor no que esté aloxado; claro que tamén é por iso moito menos potente que slashcode.

Seguramente a ti todo isto cha traia frouxa, pero cremos que é importante publicitar estas e outras ferramentas que nos brindan a posibilidade de poder facer o que estamos facendo.

Estamos traballando en documentos que expliquen máis en profundidade o funcionamiento deste software, que se ben non é complicado ás veces vén ben saber algúns truquiños. Tamén tratarán sobre o tipo de artigos axeitados, ou como facernos chegar as túas suxerencias para novos temas do foro, etc. Cando as teñamos xa avisaremos tanto desde esta páxina como desde o propio foro.