Benvid@s á páxina web da Asociación de aLumn@s da UNED (Universidad Nacional de Educación a Distancia). Esperamos que esta páxina sexa un lugar de encontro e unión para o alumnado da UNED quen moitas veces nos vemos coa necesidade de reunirnos con compañeir@s que pasan polas mesmas dificultades.

Esta asociación agora mesmo está vencellada sobre todo á carreira de Informática debido a que non temos moita xente doutras disciplinas na nosa asociación, pero esta situación vaise solucionando pouco a pouco (por suposto incluídos tamén os accesos para maiores de 25 anos). E todo isto depende de ti, de min, de todos e de todas. Así que animádevos ;)

Entre os nosos obxectivos están:

• Unir ao alumnado para poder reivindicar os dereitos que moitas veces quedan "relegados a un segundo plano".

• Crear proxectos en común, de programación, de difusión ou do que creades que pode ser beneficioso para @s alumn@s desta universidade.

• Axuda e sincronización cos proxectos xa creados (polo de agora WAINÚ, Telelab e o Grupo UNED Ciencias).

Para levalos a cabo creamos (o estamos niso) un foro de discusión por web para a xente da UNED (ForUNED), un boletín electrónico (BolUNED), un GUL (Grupo de Usuari@s de GNU/Linux), etc. Para todas estas "tarefas" agardámosvos e necesitámosvos, seguro que entre tod@s podemos chegar a facer que ALUNED funcione.