Os recursos que temos agora mesmo a disposición:

• ForUNED: este é un proxecto que cremos que pode ter moita utilidade para a asociación, pois é un potente foro vía web onde se publican novas ou se debate sobre diversos temas, e non hai intermediari@s: a esa nova podes respostar ti, ou participar no debate ...

• BolUNED: este proxecto non necesita coñecementos técnicos, pero si gañas de contar algo e querer que se coñeza na comunidade, seguro que iso do que tes dúbidas lle pode interesar a moita xente. Se cres que algo non vai ben, se che cómpre contar iso que che crea dúbidas, ou se pensas que podes aportar algo á comunidade, non te cortes, este pode ser o medio que estabas agardando.

• Páxinas web: son feitas por alumn@s coma ti, que creron poder aportar algo á asociación e así foi. Isto sempre vai estar falto de xente e coa necesidade de cambio pois é a cara que damos a Internet (é dicir, ao mundo) e ten que ser o máis dinámico posible, así que aquí sempre serás benvid@.

• Listas de correo: son o pan noso de cada día, sen estas listas sería imposible a comunicación e a coordinación de todos os proxectos que saen, os detalles dos que hai "rematados", as asembleas "virtuais" para tomar decisións críticas para a asociación, etc.

• Grupo no IUED: temos un grupo na plataforma que o IUED pon ao servicio de diferentes comunidades. Posee chat-web, novas, foro, área de almacenamento, ...