FAQ (Galdera orokorrak)
Esperimentazio teknopolitikoko talde bat gara. Hacker laboratorio bat. Sare libreen eta teknologikoki autokudeatuak diren prozesu sozialen sorrera eta birsortze gune bat da.
Ordenagailuak berziklatzen ditugu, software librea (libreki kopiatu, banatu eta eraldatu daitezkeen programak) erabili, zabaldu eta sortzen dugu. Honetarako hitzaldiak ematen ditugu, korporazioen menpe egon gabe programa eta aplikazioen erabilera erakusteko kurtso etatailerrak. GNU/Linux-ean hastapenerakokurtsoak, TCP/IP kurtsoak, adimen artifizialari buruz, segurtasuna, etab. Orain X-Evian bataiaturiko aktibistentzat eginiko GNU/Linux sistema eragilearen banaketa autoabiarazgarri etaautoinstalagarri batetan lanean ari gara.
Permalab (laborategi iraunkorra) eraiki eta martxan mantentzen dugu, esperimentazio eta konektibitate askerako Udonodoko Gaztetxeko gunea. Gune honetan birziklatutako dugu, Debian GNU/Linux darabiltena, harigabeko korapilune eta ADSL baten bidez konektaturik.
BilboWireless bezalako autokudeatutako hari gabeko sareen sorrera eta banaketan aktiboki parte hartzen dugu: sare honetako martxan dagoen korapilune bat gara eta Gaztetxean Wireless Jardunaldi batzuk antolatu genituen.
Indymedia Euskal Herria, gertuen dugun IMC (independent media center) partaidetza irekiko kontrainformazio sareko korapilunean. Beste gauza batzuen artean bere lehen urteurrena ospatzeko kAle-hAcKiNg (hacking the streets) bat ospatu genuen eta Evianeko G8 gailurraren aurkako blokeo ekintzen zati baten berri eman genuen (testua, bideoa).
Baina ez gara kalera sare telematiko berrien sorrera ospatu eta zabaltzera irteten, protesta moduan ere irten gara kalera, infonegozio korporazio handien sareetatik kanpo gizarte sortzen dutenen ahotsa berreskuratzera. it4all informazio gizartearen gailurrak (Bilboko Euskalduna jauregian ospatutakoa) airearen jauntxoei beste teknologia bat posible dela erakusteko aukera eman zigun. Ekintza telematiko honetan, ekintza beraren albistea zuzen-zuzenean Indymedia Euskal Herrian argitaratu genuen BilboWireless-ek emandako sare-sarrerari esker.
Gure ustetan ekintza eta antolaketa politiko prozesuak esperimentazio eta sortze kolektibo gune bat dira, ildo honetatik Beroketak ardunaldietan parte hartu dugu hacktibismoak izandako emaitza eta esperientziak elkarerakusteko. Era berean Hackmeeting-aren (mundu osoko proiektu eta kolektiboen topaketa tekno-aktibista) antolaketan parte hartu dugu. Metabolik bera 2001 urtean Udondoko Gaztetxean (Leioa, Bizkaia) izandako hackmeeting-ean sortu zen.
Esperimentatu ere egiten dugu, informatika eta elektronikaz harago, gure harremanak eta batera eraikitzeko moduan, bai gure sare errekurtsoen kudeaketa kolektboaren bidez (sindomino.net zerbitzari autonomoan), bai partaidetza moduan, bai gure informazioa sortzeko orduan (wiki, ePosta zerrenda, asanbladak, etab.).
